Crónica 20ª Xornada

Regalo de Nadal do Camelle ó Cerqueda no último partido.

• CAMELLE: Carlos, Adrián, Carlos de Dido, Mauri, Cristian (Juanjo, min.45), Buri (Álvaro Pantera, min. 60), Valiña, Tedín, Sergio (Alberto, min.80), Mario, e Barreiro.
• CERQUEDA:Rubén, Javi Pazos, Juan, Javi, Nión, Cane, Sante, Maikol, Lorenzo, Dani Añón (Juanjo, min.55), Manu.
• Goles: 0-1, min.10: Lorenzo, 0-2, min.18: Dani, de penalti, 1-2, min. 25: Sergio, 1-3, min.28: Lorenzo, 2-3, min.75: Mario.

Levou o agasallo de Papa Noel o Cerqueda por anticipado do campo do Camelle nesta última xornada do ano. I é que tan só os propios erros do noso equipo foron os que fixeron que marcharan os tres puntos para terras malpicanas.

Empezou moi nervioso e desubicado o Camelle que regalou un balón dentro da área que non foron capaces de despexar entre tres xogadores para que o dianteiro do Cerqueda marcase fácil o un a cero cando case nen se empezara a suar no campo. Pero a cousa non se arreglou cando pouco despois Mauri cometeu un claro penalti onde ninguén o chamara para que o Cerqueda se puxese co partido de cara. Pero foi este o punto de inflexión do partido, o punto onde os nosos rapaces se puxeron a xogar e a dominar o encontro. Empezou avisando Felipe nun bo desmarque co que quedou só diante do porteiro pero a vaselina que intentou saiu fora por moi pouco; tras un rápido saque de banda conseguiu Sergio recurtar distancias e traer esperanzas tanto ós propios xogadores como a multitude de afecionados que, unha vez mais, se deron cita no Hermanas Patiño. Seguiu por esa senda o Camelle (a do bo xogo e a presión) en nun bó desmarque chegou o penalti e a expulsión do porteiro Cerquedense. Non foi capaz Barreiro de conseguir o empate dende os once metros (e levamos tres fallos de tres lanzamentos). Para mais colmo, na seguinte xogada, unha indecisión entre Adrián e Carlos de Dido nun balón franco para a defensa, converteuse nun man a man entre o dianteiro visitante e o noso porteiro para converterse no un a tres.

Non camboiu nada este gol e continuou o Camelle co bo xogo e co dominio do encontro (axudado pola inferioridade numérica do Cerqueda). Foi así durante todo o que quedou de partido pero só Mario mediada a segunda metade e cun gran gol foi capaz de recurtar distancias e achegar ó equipo a un resultado positivo. Finalmente non poido ser e un efectivo Cerqueda conseguiu marcar tres goles en tres lanzamentos a portería gracias ós nosos propios erros.

Os mais destacados do partido foron Sergio e Mario. Pero tamén hai que decir que deberíamos ter un pouco mais de tranquilidade e intentar xogar ó futbol olvidándonos de circunstancias externas ó equipo, como poidan ser os árbitros ou o público. Todos sabemos que esta é a categoría federada mais baixa do pais, co que os árbitros tamén son da mesma categoría, pero o que temos que facer é xogar mellor que os demais e olvidarnos de culpar a outros de cousas que nós poderíamos solucionar.

Ánimo equipo, que xogando como neste partido sacaranse bos resultados en breve.

Previa 20ª xornada

Comeza a segunda volta da competición cun novo partido do Camelle no Hermanas Patiño de Camariñas, esta vez diante do Cerqueda.

Xa avisou o Cerqueda do seu potencial na primeira volta onde nos derrotaron claramente no seu campo por catro goles a cero nun partido onde o Camelle non estaba rodado. Veremos se somos capaces de sacar un resultado positivo no noso campo para mellorar o feito ata o de agora

O partido desputarase no campo municipal “Hermanas Patiño” de Camariñas, (98x58m) de herba artificial. As cores oficiais do Cerqueda son camisola e pantalón blanco.

Hermanas Patiño de Camariñas

20ª Xornada:

     - Fecha e hora: Sábado 17 de Decembro ás 18:00 horas

     - Campo: Municipal “Hermanas Patiño” de Camariñas (sintético)

     - Previsión meteorolóxica: intervalos nubosos, vento moderado do noroeste, tempertura sobre os 11º.

     - Árbitro: Gómez Senin, Jesus Miguel

Resumo da primeira volta

Por motivos laborais levo tres semanas co blog desatendido (cando non se pode non se pode...), pero eso non quere dicir que esto rematara, espero que apartir de aquí poda seguir desenvolvendoo como ata o de agora.

Bueno, vamos ó chollo. O caso é que rematou a primeira volta sen moitas novedades, destacando a fichaxe de Tedín que esperemos poida aportar cousas ó equipo, e unha nova lesión de importancia, esta vez foi René o que sufreu unha caida en bicicleta que lle custou a fractura do escafoides e uns dous meses de baixa.

Dentro de tódalas circunstancias que rodearon ó equipo nesta primeira volta do campionato non podemos mais que facer un balance positivo, por mais que a terquedade dos resultados e a clasificación inviten ó contrario. Primeiro porque as lesións fixeron barro nos nosos xogadores (houbo partidos nos que só tivo a once xogadores dispoñibles); segundo porque para ser o primeiro ano deste equipo, sempre dou a cara nos partidos, mais aló do resultado dos mesmos, e terceiro e definitivo, porque temos unha das mellores afecións do mundo que está a apoiar ós nosos de maneira incondicional a pesar das circunstancias.

Por todo esto non queda mais que animarse, rematar o ano cun bo partido diante do Cerqueda, e empezar o 2012 recuperando a xente lesionada e que vai a facer subir o listón do equipo.

Ánimo CAMELLE!!!!

Crónica 15ª xornada

Non acadou un bo resultado o Camelle na súa visita ó campo de Lombáns.

• CARNOTA: Peipo, Urko (Pumuki, min.44), Pedro, Manolo, David Brea, Borja Santos (Jacobo, min.75), Joselu (Tono Goyanes, min.40), Rodrigo (David Castreje, min.90),Tono da Caixa, Manuel Luís (Raúl, min.85) e Manoliño.
• CAMELLE: Carlos, Cristian, Mauri, Valiña, Buri, René, Alvaro Pantera, Alvaro, Mario, Jose e Sergio.
• Goles: 1-0, min.33: Manoliño, de penalti; 2-0, min.75: Pumuki; 3-0, min.79: Manoliño, de penalti; 4-0, min.85: Rodrigo.

Non mereceu traer un resultado tan abultado o Camelle de Carnota, e non porque non dispuxeran os carnotáns de ocasións, senon polo propio desarrollo do partido. Presentouse o Camelle con só once xogadores e co porteiro tocado (ainda que a postre sería o mais destacado) e contando coa volta de Jose do Gati despois da longa lesión que o tivo apartado dende o segundo partido de liga. Pero ainda así non se amedrentaron os xogadores de Camelle e tutearon durante prácticamente todo o partido a un dos “gallitos” da categoría.

Poucas ocasións houbo na primeira metade, nas que un balón ó pau foi o mais destacado dun Carnota que se adiantou no marcador pasada a media hora cun penalti inexistente por mans de René cando o balón lle dou claramente nas costas. Poucas mais ocasións tiveron ambos equipos durante esta primeira parte na que o Carnota dominou moito o centro do campo pero sen profundidade e, ademais, tivo que facer dous cambios. O Camelle apenas se acercou a portería local mais que en lanzamentos lonxanos.

Cambiou o decorado na segunda metade na que o Camelle foi durante gran parte da mesma o dominador do xogo, e cun Carnota mais directo que se encontrou co acerto da Carlos na nosa portería. Durante esa media hora na que lle aguantaron as forzas ós nosos, o árbitro (moi mal durante todo o partido) deixou de sinalarnos dous penaltis, un moi claro ó desviar coa man un xogador carnotán un lanzamento que ía dentro, e outro mais difícil de ver pero no que, nun saque de banda, un defensa agarrou e montou enriba de Jose. Nun mal despexe defensivo o balón quedou morto para que o Carnota conseguira o dous a cero e con él tamén morreu a esperanza dos nosos de acadar algo positivo, co que a falta de forzas, a mellor condición local (o Carnota fixo outros tres cambios na segunda parte) e a desilusión finiquitou o encontro. Ainda chegaría un terceiro gol de penalti (que foi moi claro pero no que o xogador do Carnota partira en fora de xogo) e un cuarto e defitivo case co pitido final, ademais da expulsión da Álvaro Pantera por dicirlle ó colexiado que non vía unha. Tamén hai que decir que co tres a cero o árbitro non pitou un clarísimo penalti de Cristian sobre o dianteiro Carnotán.

Os mais destacados do partido foron Carlos Purrúa, e a volta os terreos de xogo de Jose, que vai a aportar moito ó noso equipo.

Temos agora unha xornada de descanso para afrontar dous partidos en tres días e cerrar prácticamente a primeira volta. Esperemos que esta sirva para recuperar a algún xogador que nos está a facer moita falta, xa que ainda non sabemos o potencial que pode ter o noso equipo porque en toda a tempada ainda non tivo a todos os xogadores disponibles.

Modificación da clasificación

Por mor dun recurso interposto polo Fisterra B contra o Muxía por alineación indebida, e gañado polos fisterráns, deuselle o partido por perdido ó Muxía por 0-3 (cando no campo ganara o Muxía), polo que se lle quitaron os tres puntos ós muxians para darllos os do fín do mundo.

Esto fai que o noso equipo adiante unha posición na clasificación quedando nestes intres en decimocuarto lugar.

Previa 15ª xornada

Decimoquinta xornada de liga na terceira da Costa e o Camelle ten un difícil desplazamento a Carnota. 

Comezou o Carnota de maneira un tanto irregular o campeonato, xa que estaba chamado a acadar o ascenso directo e o título de campeón despois de descender o ano pasado de segunda e ser o equipo con maior presuposto de toda a categoría. Sen embargo está en postos de promoción e moi cerca do líder e, seguramente acabará cumplindo coas expectativas, polo que o partido será moi complicado para o noso equipo, ainda que vai con toda a ilusión de poder lograr algo positivo de Carnota ou, polo menos, deixar unha boa imaxe e non traer na saca os catro goles que acostuma cando xoga fora.

"Lombáns" de Carnota

O partido desputarase no campo de “Lombáns” de Carnota (90x57m), de herba artificial. As cores oficiais do Carnota son camisola azul e blanca e pantalón azul.

15ª Xornada:

     - Fecha e hora: Domingo 20 de Novembro ás 16:15 horas

     - Campo: “Lombáns” de Carnota (sintético)

     - Previsión meteorolóxica: ceos con nubes e claros, vento frouxo do noroeste, tempertura sobre 14º.

     - Árbitro: Reborido Rodriguez, Rubén

Crónica 14ª xornada

Segunda victoria consecutiva do Camelle na casa nun partido que debiu golear e rematou case que pedindo a hora.

• CAMELLE: Carlos, Adrián, Coruña, Mauri, Buri, Iván, René, Sergio (Alberto, min.82), Mario, Varu e Barreiro.
• LIRA: Miguel Anxo, Santi, Edu, Pelexo, Abel, Yerai (Ancho, min.55) Fernando, Suso, Patachín, Miche (Oscar, min.55), Gabri e Fran Petete.
• Goles: 1-0, min.10: Barreiro, 2-0, min.55: Barreiro, 2-1, min. 70: Fran Petete.

Empezou moi ben o partido o Camelle, xogando o balón dende atrás e facendo un xogo bastante bó, con rápidas incursións polas bandas e con moita sensación de perigo no seu xogo. Froito deste bo xogo, chegou o primeiro gol do partido (claramente ilegal, xa que primeiro rematou coa man e segundo o balón non chegou a traspasala liña de gol) obra de Felipe, moi protestado polo Lira. Esta xogada fixo cambiar o partido, xa que o Lira empezou a presionar mais arriba e a controlar mais o mesmo, ainda que sen crear perigo, pero, pola contra, fixo que o Camelle se mostrara mais incisivo e perigoso, con internadas constantes as costas da defensa liracha, e onde poido sentenciar con múltiples ocasións de gol (pódense contar dúas ou tres ocasións claras de Mario, Varu e Barreiro cada un).

Non variou apenas o guión na segunda metade, só destacar a magnifica aportación de Sergio, que cada vez que collía a pelota xeneraba unha ocasión, mentres que René e Iván se facían donos do medio do campo. Nunha boa xogada do equipo Sergio dou un perfecto pase as costas da defensa que Barreiro converteu no segundo gol da súa conta. E poideron ser mais, pero continúa moi fallón o noso “killer” e non foi quen de aprobeitar outras dúas bastante claras. Non se rendeu un Lira moi combatibo e recurtou distancias nunha boa xogada por banda que o seu dianteiro rematou a pracer (na miña opinión en fora de xogo). Ainda tivo o Camelle mais ocasións, nas botas de Varu e cun tiro o longueiro de Sergio. Nos minutos finais apretou o Lira, que se vía cun solo gol de desventaxa, en pos do empate, pero non tivo claridade nos últimos metros.

De novo a  nosa afeción estivo moi ben, animando durante todo o encontro e volcándose cos nosos xogadores .

Os mais destacados do partido foron Sergio, René e Barreiro, tamén quero destacar os dous rapaces que xogaron nos laterais (Adrián e Buri) a pesar de non ser o seu posto e que o fixeron moi ben.

Previa - 14ª xornada

Nova xornada de futbol na costa e novo partido do Camelle no Hermanas Patiño de Camariñas, esta vez diante do Lira.

Partido difícil para os dous equipos que están empatados a puntos na clasificación. I é que os dous equipos están levando unha traxectoria semellante no discurrir do campionato. Tampouco marcha ben o equipo liracho, que está a padecer dos mesmos males que o noso Camelle. O ano pasado ocuparon a décima posición na clasificación final do campeonato, polo que parece que teñen mais equipo do que están a demostrar.

O partido desputarase no campo municipal “Hermanas Patiño” de Camariñas, (98x58m) de herba artificial. As cores oficiais do Lira son camisola branquivermella e pantalón blanco.

Hermanas Patiño de Camariñas

14ª Xornada:

     - Fecha e hora: Sábado 12 de Novembro ás 19:00 horas

     - Campo: Municipal “Hermanas Patiño” de Camariñas (sintético)

     - Previsión meteorolóxica: ceos anubrados con posibilidade de choivas ocasionais, vento forte do sureste, tempertura sobre os 15º.

     - Árbitro: Rey Fariña, Alfredo

Crónica 13ª xornada

Nova derrota do Camelle no municipal Cabo da Area de Laxe

• LAXE: Illote, López, Ventura (Oscar, min.75), Antonio Castro, Jaja, Adán, Jacinto, Iván, Darío, Naya (Felipe, min.46) e Zurich (Gándara, min.86)
• CAMELLE: Carlos, Cristian, Mauri, Carlos (Buri, min.50), Adrián, René, Mario, Barreiro, Coruña (Alvaro Pantera, min.65), Valiña e Sergio (Varu, min.46).
• Goles: 1-0, min.60: Darío; 2-0, min.70: Felipe; 3-0, min.80: Felipe: 4-0, min.86: Zurich.

Non sacou nada positivo o Camelle en Laxe onde sufrimos unha merecida derrota na segunda metade. Comezou ben plantado o equipo no primeiro tempo non concedendo ningunha ocasión clara ó Laxe ata case rematar este periodo, na que tivo unha moi clara pero o dianteiro só fronte a Carlos non foi quen de enviar o balón dentro da nosa porta. Antes tivo o Camelle as súas, en dous avances de Felipe que non tivo a sorte de cara, nunha porque golpeou mal o balón e outra que sacou a defensa debaixo dos paus cando o porteiro local xa estaba batido.

Pero chegou a segunda metade na que nada mais comezar lesionouse Carlos de Dido. Debido a que non tiñamos defensas no banquillo tivo que recompoñerse o equipo cun cambio de posicións dos xogadores do medio do campo, o que levou a que o Camelle se borrara prácticamente do partido ata case o final, dónde cando quixo reaccionar xa tiña apañado catro goles que son a condena que temos que sufrir cando xogamos fora de Camariñas.

Non hai que darlle mais voltas e xa toca pensar en recibir a semana que ven ó Lira, un equipo que está a padecer as mesmas dificultades que nós no que vai de tempada.

O mais destacado do encontro volveu a ser a nosa afeción, que aguantou estoicamente o chaparrón

Sobre o noso blog

Aquí poño un enlace dunha das páxinas da Costa da Morte mais visitadas, quepasanacosta e que fala do blog do Camelle. http://www.quepasanacosta.com/?p=10541

Agradecervos tamén a todos os que entrades nesta páxina a vosa fidelidade, que fai que xa teñemos mais de duas mil visitas, con mais de trescentas semanais. Calqueira cousa que queirades comentar, calquer anuncio, calquer iniciativa para axudar ó Camelle, calquer suxerencia ou crítica a este blog podédela mandar a sdcamelle@gmail.com e aquí sairá publicada.

Gracias a todos e a seguir axudando e animando a S.D. Camelle

Previa - 13ª xornada

Cun calendario do que Madrid ou Barcelona se estarían queixando, afrontamos unha nova xornada de futbol na costa enfrontándonos desta vez ó Laxe. 

O equipo laxense empezou bastante mal a temporada, pero está levantando o voo e xa se atopa na metade da clasificación. O Camelle terá que intentar aproveitar as boas sensacións que deixou a victoria do martes e facerse forte en defensa para sacar proveito das ocasións que sempre crea. O ano pasado o Laxe quedou na duodécima posición.

O partido desputarase no campo municipal “Cabo da area” de Laxe, de herba artificial. As cores oficiais do Laxe son camisola e pantalón blancos.

13ª Xornada:

     - Fecha e hora: Sábado 5 de Novembro ás 16:00 horas

     - Campo: municipal “Cabo da area” de Laxe (sintético)

     - Previsión meteorolóxica: ceos anubrados con chuvascos, vento moderado do Norte, tempertura sobre 12º.

     - Árbitro: Gómez Senín, Jesus Miguel

Crónica 12ª xornada

Segunda victoria do Camelle nun derbi moi loitado e con moi pouco futbol.

• CAMELLE: Carlos, Coruña, Mauri, Carlos, Cristian, Valiña, Iván, Adrián (Buri, min.45), Barreiro, Mario, René.
• XAVIÑA:Pablo, Sergio, Chapu, Caamaño, Jallejo, Búa, Juan Antonio, Ángel, Elvis, Frutos e Martín.
• Goles: 1-0, min.90: Mario.

Victoria moi traballada nun partido moi loitado e moi malo por parte dos dous equipos. Empezou o partido sen un dominador claro pero cun xogo sen interrupcións e con algunha ocasión, unha moi clara de Barreiro que encarou o porteiro do filial do Camariñas e o seu tiro saiu a rentes do pau, e outra do Xaviña que enviou o balón ó longueiro cun tiro dende fora da área.  Tivo despois outra ocasión Felipe que tampouco foi capaz de enchufar e ahí rematou practicamente o futbol para converterse o partido nunha loita de balóns largos, choques, interrupcións e protestas que non beneficiaron o xogo de ningún dos dous equipos.

Apenas houbo ocasións na segunda metade salvo outra clara de Barreiro na que lle sobrou un recorte cando xa o tiña practicamente feito. O Xaviña só o intentou a base de balóns colgados en faltas laterais (que houbo infinidade) pero que o Camelle defendeu a perfección. E no último minuto e tamén nun centro lateral ó saque dunha falta, foi Mario o que acertou a rematar de cabeza ó fondo das mallas da portería visitante o gol que nos dá os tres puntos e un pouco de tranquilidade para afrontar os próximos encontros.

Estivo tamén moi reñido o duelo na grada do Hermanas Patiño, que rexistrou unha magnifica entrada e onde as dúas afecións se fixeron oir animando ós seus.

Non sabría se destacar a ninguén xa que foi un dos peores partidos do noso equipo, pero pola importancia do gol que nos fai sumar tres puntos e porque leva doce partidos loitando como un león, peleandose contra tódalas defensas rivais e con só unha tarxeta amarilla (ainda que pareza increible esto último), o mais destacado do partido foi Mario.

Crónica 11ª xornada

Partido gañado por un Cabana superior ó Camelle.

• CABANA: Añón, José, David, Jacobo, Eloy García (Óscar, min.70), Eloy Pereira (Diego, min.55), Jandro, Adrián (Tebo, min.65), Josiño (Fernando, min.67) Fran Martuxa (Fran Fariña, min.70), Rubén Rama.
• CAMELLE: Carlos, Cristian, Mauri, Coruña (Alvaro Pantera, min.46), Adrián, Iván, Valiña, René, Sergio (Buri, min.70), Mario e Barreiro.
• Goles: 1-0, min.20: Rubén Rama; 2-0, min.25: Rubén Rama; 3-0, min.35: Josiño; 3-1, min.40: Iván; 4-1, min.55: Rubén Rama.

Nada que obxetar á victoria do Cabana en Neaño diante dun bó Camelle de medio campo para arriba pero que froxeou bastante en defensa. Cando os rapaces de Carlos e Tono se quixeron dar conta, xa ían perdendo por tres goles a cero, pero ainda así nunca lle perdeu a cara o Camelle ó partido, no que marcou Iván despois dun gran pase de René e no que dispuxo de ocasións para recurtar o marcador (Barreiro e Álvaro Pantera), se ben e certo que o Cabana reclamou un mais que posible penalty cara o final do partido e de que tamén dispuxo de ocasións a contra na segunda metade.

Os mais destacados do partido foron Valiña, René, Adrián e a magnifica afeción que nunca deixa só ó equipo e que se fai sentir alá dónde van.

Previas - 11ª e 12ª xornadas

11ª Xornada

Partido que se prevé difícil para o Camelle en Neaño contra o Cabana, máxime cando eles están nunha boa racha de resultados e nunha boa situación na táboa clasificatoria (cuartos, a só catro puntos do líder pero cun partido menos) e nós no fondo da mesma.

Teremos que aproveitar a confianza que poidan ter por enfrontarse ó pechacancelas, intentar manter a nosa a porta a cero (algo que ainda non fomos capaces no que vai de liga) e esperar que recuperemos a algún xogador. O ano pasado, o Cabana rematou sexto na clasificación, o que dá conta do seu potencial na categoría.

O partido desputarase no campo “As Redondas” de Neaño, (91x58m) de herba artificial. As cores oficiais do Cabana son camisola a raias azuis e negras e pantalón negro.

As Redondas de Neaño

11ª Xornada:

     - Fecha e hora: Sábado 29 de Outubro ás 18:00 horas

     - Campo: “As Redondas” de Neaño (sintético)

     - Previsión meteorolóxica: ceos pouco anubrados, vento fruoxo do sudoeste, tempertura entre os 16 e os 14º.

     - Árbitro: Gestal Caridad, Borja

12ª Xornada

E sen tempo para dixerir o resultado do partido do sábado, xogarase unha nova xornada o martes día de Todolos Santos. Será en Camariñas diante do Xaviña e farémolo como locais.

Será un derbi difícil para os dous equipos que xa nos enfrontamos en pretemporada cun resultado de empate a dous. Tampouco marcha ben o equipo xaviñan, ainda que están a merecer mellores resultados dos que están a lograr. O ano pasado ocuparon a penúltima posición na clasificación final do campeonato.

O partido desputarase no campo municipal “Hermanas Patiño” de Camariñas, (98x58m) de herba artificial. As cores oficiais do Xaviña son camisola branquiazul e pantalón azul.

Hermanas Patiño de Camariñas

12ª Xornada:

     - Fecha e hora: Martes 1 de Novembro ás 19:00 horas

     - Campo: Municipal “Hermanas Patiño” de Camariñas (sintético)

     - Previsión meteorolóxica: ceos moi anubrados con posibilidade de choivas febles, vento forte do sur-suroeste, tempertura sobre os 15º.

     - Árbitro: Castelo Pérez, Diego

Crónica 10ª xornada

Inxusta derrota do Camelle diante dun Muxía inferior no que se desaprobeitou un penalti.

• CAMELLE: Carlos, Juanjo, Mauri, Coruña, Cristian, Valiña, Varu, Adrián, Sergio, Mario e René (Álvaro Pantera, min.75).
• MUXÍA:Ángel Luis, Raúl, Martín, Sergio, Currás, Javi, Julián, Ziro, Pesqui, Arxires e Alberto.
• Goles: 1-0, min.20: Cristian; 1-1, min.44: Arxires; 1-2, min.60: Pesqui.

Dificil explicar o resultado do partido despois do visto os noventa minutos sobre o campo camariñán. O noso equipo dominou completamente o encontro de principo a fín pero non acadou premio ningún ó seu esforzo. Cun equipo de circunstancias debido as baixas e as sancións (só tiñamos doce xogadores ainda que se recuperou ó porteiro e a Mauri despois de nove partidos) comenzou dominando o Camelle, xogando sempre o balon ó pé e facendo boas combinacións. Sen embargo foi Cristian quen marcou un golazo dende fora da área logo de varios rexeites da defensa muxiana. Non fixo o gol que cambiara o partido senon que o Camelle segiu tocando e dominando, cunha ocasión moi clara de René a pase de Mario e coas internadas de Sergio pola banda esquerda facendo moito dano. A media hora un bo pase en profundidade cara Adrián comberteuse nun claro penalti por mans do defensa de Muxía que, sen embargo, Mauri non foi capaz de converter en gol. Xusto antes do descanso conseguio empatar o Muxía no lanzamento dunha falta pola escadra no seu primeiro tiro a porta (Carlos fixera minutos antes un paradón nun mal despexe de Juanjo cara a nosa portería).

No segundo tempo, e xa con noite, seguía todo igual, ainda que xa non creabamos tanto perigo cara a porta muxiana, ata que chegou a xogada clave do partido. O árbitro pitou unha falta a favor do Muxía na frontal da nosa área (falta que por certo non foi), o xogador do Muxía quedou mancado no chan con evidentes síntomas de dor, os xogadores do Camelle acudiron ó rapaz que estaba sen aire e facendo ostensibles chamamentos ó banquillo muxián. No medio do barullo, e co entrenador do Muxía dentro do campo, os visitantes sacaron a falta (pedindolle barrera ó árbitro que dí que él non o escoitou) e marcaron un gol que o árbitro concedeu, pero do que personalmente opino que, a mín, daríame vergonza marcar un gol así. Ainda estivo uns minutos o partido detido ata que se recuperou o rapaz, pero o árbitro non variou de opinión e os visitantes acadaban o gol da victoria.

Esta xogada espoleou os nosos que convertiron o resto do partido nun asedio a portería visitante, ainda que certamente con pouco perigo e principalmente con tiros lonxanos, máxime cando o Muxía quedou con dez xogadores pola expulsión dun centrocampista. Pero o marcador xa non se moveu mais e rematou cunha nova derrota do Camelle.

Todo o equipo tivo un boa actuación, pero os mais destacados foron Valiña, Sergio, Adrián e Cristian co seu gol.

Non gustou tampouco os xogadores do Camelle a excesiva “agresividade” dalguns xogadores do Muxía que se pasaron o partido ameazando (sobre todo ós xogadores mais novos do Camelle) con romper pernas, dar patadas en cabezas, etc… Non é a primeira vez que algún equipo se queixa desto contra o Muxía que, ó mellor, se debería replantear que clase de deportividade inculca os seus rapaces.

Previa - 10ª Xornada

Nova xornada de liga para o Camelle que, outra vez, vai ter moitas dificultades para formar un once. O rival será o Muxía, último clasificado nestes intres pero que teñen un equipo moi agresivo que vai a loitar por levarse os tres puntos do campo camariñan. O ano pasado o Muxía quedou en noveno lugar na liga, o que demostra que teñen mais equipo do que nestes momentos dí a clasificación.

Ademais de tódalas baixas que temos dende hai varias xornadas, haberá que sumalas de Carlos de Dido cunha perna inflamada, Barreiro e Manuel por sanción e Iván que, probablemente, non poderá vir esta semana. Esperemos, polo menos, recuperar ó porteiro, e pode que a Mauri.

O partido desputarase no campo municipal “Hermanas Patiño” de Camariñas, (98x58m) de herba artificial. As cores oficiais do Muxía son camisola vermella e pantalón azul.

6ª Xornada:

     - Fecha e hora: Sábado 22 de Outubro ás 19:00 horas

     - Campo: Municipal “Hermanas Patiño” de Camariñas (sintético)

     - Árbitro: González Seoane, Daniel

     - Previsión meteorolóxica: ceos con nubes e claros, vento fruoxo e variable, tempertura sobre 15º.     

Entrenamentos na Coruña

Queremos desde este blog agradecer ó At. San Pedro de Oleiros a oportunidade que lle dan ós xogadores do Camelle que viven na Coruña e arrededores de poder entrenar con eles. Este agradecemento faise extensivo tanto ó clube, como a entrenedores e xogadores do equipo, que tan ben recibiron na xornada de onte ós nosos rapaces.

Lembrar que os entrenamentos son os martes e venres as oito e media da tarde no campo do San Pedro (ainda que os venres TODOS os que poidan deberían entrenar en Camariñas).

Do mesmo xeito instar a que os rapaces que están en outros lugares (Santiago, Ferrol, León, etc...) intenten buscar un equipo co que poder entrenar, que seguro lle deixaran facelo encantados.

Crónica 9ª xornada

Derrota do Camelle en Cee diante dun rival combativo

• At.PEREIRIÑA:Simón, Alvaro (Mateo, min.46), Mario, Gabri, Javichu, Mario (Riki, min.30), Adán (Javi, min.46), Rafa (Grille, min.75), Néstor (Jose Express, min.83), Poki e Víctor.
• CAMELLE: Coruña, Cristian, Juanjo, Manuel (Varu, min.65), Carlos, Valiña, Mario, René, Iván, Barreiro e Alvaro Pantera (Adrian, min.75).
• Goles: 0-1, min.27: Barreiro; 1-1, min.48: Mateo; 2-1, min.52: Poki; 3-1, min.57: Víctor; 4-1, min.62: Nestor.

Seguen os problemas para o Camelle que non foi quen de conseguir nada bo na súa visita ó campo dun dos últimos clasificados. Foi mellor o Camelle na primeira metade, dónde o Pereiriña non foi capaz de crear nin unha sola ocasión de gol, mentres nós, ademais dun par de oportunidades pouco claras, fixemos un bonito gol tras unha boa combinación entre Mario e René para que o primeiro lle dese o pase da morte a Barreiro que fusilou o porteiro local.

Pero chegou a segunda metade e con ela a gran páxara do noso equipo que nun “visto y no visto” apañou catro goles como catro soles. Parecía neses intres o Pereiriña unha versión costeira do Madrid entrandonos polas bandas como flechas e dominando o centro do campo como o Barsa sen que os nosos rapaces viran por onde lles caían. Pero pasou, e voltamos a un partido que xa estaba tolo con ocasións nas dúas porterías, e dónde fallamos por pouco varios goles. Pantera errou un remate prácticamente a porta valeira e a Barreiro foronselle fora tres man a man co porteiro das que non suele fallar, pero así son os partidos.

Para semana xogamos co colista coa gran cantidade de baixas que temos, as que lle haberá que engadir as de Barreiro e Manuel por sanción e Carlos de Dido por lesión. Polo menos recuperamos ó porteiro… ou eso creo.

Os xogadores mais destacados do partido foron René, Mario e Barreiro.

Previa - 9ª Xornada

Nova xornada de liga e novo encontro fora da casa. Desta volta xogamos en Cee contra o Atlético Pereiriña, partido que se prevé igualado, xa que os dous equipos ocupámolas ultimas prazas na clasificación xunto co Muxia.  

Ambos equipos contan con numerosas baixas que están lastrando as súas actuacións e levan unha tendencia bastante mala, pero e hora de levantar a cabeza, dar un paso adiante e gañarlle ó filial do Cee, equipo que o ano pasado rematou cuarto pola cola na taboa clasificatoria.

O partido desputarase no campo “Novo Raices” de Cee, (105x68m) de herba artificial. As cores oficiais do At. Pereiriña son camisola verde e pantalón negro.

9ª Xornada:

     - Fecha e hora: Sábado 15 de Outubro ás 16:00 horas

     - Campo: “Novo Raices” de Cee (sintético)

     - Previsión meteorolóxica: ceos pouco anubrados, vento fruoxo e variable, tempertura sobre 22º.

Crónica 8ª xornada

Nova goleada recibida, esta vez en Coristanco

• CORISTANCO: Pombo, Arantón (Iván, min.75), Oscar (Castro, min.65), Luís, Marcos, Pazos, Mallón (Adrián, min.70), Benitez, Carlos, Edgar (Sergio, min.80) e Toniño.
• CAMELLE: Coruña, Cristian, Juanjo (Adrian, min.65), Manuel, Valiña, Mario, René, Varu, Sergio, Barreiro e Alvaro Pantera.
• Goles: 0-1, min.15: Benítez; 0-2, min.30: Edgar; 0-3, min.40: Edgar; 0-4, min.50: Mallón; 0-5, min.75: Toniño, de penalti; 0-6, min.90: Toniño, de penalti.

Continúa o Camelle nunha mala línea de resultados, ainda que o xogo realizado dista bastante do que dín os marcadores, pero a gran cantidade de baixas, unidas ós despistes defensivos que estamos a ter, fan que esteamos ocupando unha das últimas prazas na clasificación, ainda que creo que temos mais equipo do que esta está reflexando.

Pasou en Coristanco, donde sufrimos unha importante goleada, pero na que o equipo dou a cara, tendo varias ocasións de gol por medio de René e de Varu en lanzamentos de falta, pero onde o Coristanco se encontrou con tres goles na primeira metade casi sen esperalo. Na segunda xogaron coa tranquilidade do marcador e remataron a goleada con dous penaltis.

Lamentar tamén a expulsión de Manuel o remate do partido e a quinta amarela de Barreiro, que van deixar mais tocada ainda a alineación nos próximos partidos (onte só tiñamos doce xogadores disponibles).

Os xogadores mais destacados do partido foron René e Álvaro Pantera.

Previa - 8ª Xornada

Sen tempo para recuperarse dun partido xa temos outro enriba. Desta volta xogamos contra o Coristanco e, debido ó complicado de xogar entre semana (a maioría dos xogadores non residen en Camelle), fixose un cambio co Coristanco para desputar nesta primeira volta o partido na terra da pataca, deixando para a segunda volta o xogar “na casa”.

Teremos moitas dificultades diante dun equipo que está situado na cuarta posición da clasificación, mesmo lugar que acadou a tempada pasada e que casi fai que ascendan a liga da costa (2º autonómica), xa non só polas cualidades do rival, senon tamén pola cantidade de ausencias nas nosas filas, xa que difícilmente conseguiremos levar a once ou doce xogadores.

O partido desputarase no campo “A Rocheira” de Coristanco, (93x53m) de herba artificial. As cores oficiais do Coristanco son camisola verde e pantalón branco.

8ª Xornada:

     - Fecha e hora: Mércores 12 de Outubro ás 17:00 horas

     - Campo: “A Rocheira” de Coristanco (sintético)

Crónica 7ª xornada

Derrota sen paliativos en Muros contra o Volantes de Baño

• VOLANTES: Masu, Juan, Josiño, Mou (Maikel, min.62), Paki (Fran, min.72), Ramón, Ivi (Nimo, min.72), Varo, Benja (Pardelo, min.20 (Pirujo, min.57)), Javi e Piti.
• CAMELLE: Coruña (Adrián, min.16), Cristian, Manuel, Carlos, Juanjo, Álvaro (Sergio, min.63), René, Valiña, Mario, Martín (Pantera, min.32) e Felipe.
• Goles: 1-0, min.10: Juan; 2-0, min.48: Juan; 3-0, min.52: Piti; 4-0, min.59: Ivi; 5-0, min.75: Piti; 6-0, min.78: Piti; 7-0, min.83: Piti.

Nada que decir da derrota do noso equipo en Muros, que aguantou bastante ben a primeira metade, na que só se perdía por un gol, pero que na segunda foi desarbolado totalmente polo equipo local.

As baixas que estamos a sufrir están sendo un lastre importante, xa que só fomos con catorce xogadores a Muros, e cun xogador de campo facendo de porteiro, que, ademais, tivo que ser sustituido por outro compañeiro mediada a primeira metade, e tendo que lamentar outra baixa, a de Martín tamén nesta primeira parte.

Nada podemos reprochar ós nosos rapaces, únicamente pedirlle un pouco de calma, xa que os resultados e a impotencia da situación están a facer que se poñan moi nerviosos no campo, protesten en exceso e se dean situacións pouco agradables. Estade tranquilos que os resultados non son importantes, xa se iran recuperando os lesionados e iredes cara arriba como cohetes, xa o veredes. ¡¡¡ÁNIMO!!!

O xogador mais destacado do partido foi Carlos de Dido, que debutou despois de fichar esta semana; facendoo moi ben como central e moi ben como porteiro por mor da lesión do Coruña.