Crónica 20ª xornada

Importante victoria do Camelle para afianzarse no terceiro posto na táboa clasificatoria.

• CAMELLE: Carlos de Dido, Coruña (Adrián P., min. 46), Mauri, Valiña, Javi Rañal, Varu (Álvaro Pantera, min. 85), Mario, Sergio, Jose (Buri, min. 75), Tedín (René, min. 77) e Barreiro.
• XAVIÑA: Moro, Chiribi, Esteban, Juan Antonio, Rodrigo (Pión, min. 46)  Beto, Gatuso, David (Gallego, min. 75)  Perucho (Elvis, min. 75), Felipe e Martelo (Ruso, min. 65).
• GOLES: 1-0, min. 60 - Jose, 2-0, min. 70 - Barreiro, 3-0, min. 81 Varu.

Bo resultado o colleitado polo Camelle diante dun Xaviña moi loitador pero que só creou perigo a balón parado.

Empezou ben o partido o Xaviña presionando moito no medio campo a un Camelle que tentaba levar o control do partido sen conseguilo e por momentos tiña que xogar moi preto da súa área. Un Xaviña que creou moita incertidume na defensa local a balón parado, xa fora en saques de esquina ou en lanzamentos de falta lateral, nas que conseguían rematar case sempre, e, nunha desas foi Javi o que sacou o balón baixo paus na xogada mais perigosa dos visitantes. Foise estirando o Camelle e froito delo chegaron varias ocasións moi claras. Primeiro unha de Barreiro que se foi só a portería e quixo regalarlle o gol a Sergio, pero non foi quen de empurrar a gol o pase da morte. Un Sergio moi activo e que obligou a lucirse ó Moro cando, tras unha parede con Barreiro, lanzou dende fora do área e xa se cantaba o gol na grada. Noutra internada de Sergio o seu lanzamento cruzado pasou rozando o pau da portería visitante. Tamén Mario tivo a súa pero o marcador non variaría neste primeiro tempo.

Foi distinto o partido na segunda metade, na que o Camelle se foi arriba e non permitiu xogadas de perigo do Xaviña. Estivo, ademais, moi acertado cara o gol e Jose, adiantandose ó porteiro e picandolla por riba, facía o primeiro da noite facendo xustiza ó visto. Dez minutos despois foi Barreiro o que cruzaba o balón ó fondo das mallas nun bó pase en profundidade de Adrián. Poido facer Jose o terceiro de maneira similar a como conseguira o seu gol, pero desta volta o balón que tocou por riba do porteiro foi petar na base do pau e saiu fora. O golazo da noite fixoo Varu no saque dunha falta dende trintaecinco metros e escorada ó lateral dos banquillos, cando viu que o porteiro estaba mais pendiente dun centro decidiu golpear directamente a porta e, ainda que o porteiro chegou a tocar o balón, non foi dabondo para que este se acabara colando no fondo da portería do Xaviña para deixar o marcador nun claro tres a cero.

A mentalidade do equipo debe ser ir partido a partido e xa se verá a dón de se pode chegar arroupados por un afeción que non desfallece e continúa animando ó equipo ónde sexa, no noso campo, nos desprazamentos ou, como nestes últimos encontros, no "exilio" camariñan