Fotos 17ª xornada

Para ver a galería completa no facebook: coristanco-camelle

Crónica 17ª xornada

Cerrou o Camelle unha magnífica primeira volta de campionato vencendo con claridade ó Coristanco na terra da pataca.

• CORISTANCO:
• CAMELLE: Purrúa, Carlos de Dido (Diego, min. 75), Valiña, Iván (Coruña, min. 71), Matías, Varu, René (Tedín, min. 52), Jose (Adrián T., min. 65), Miguel, Javi Rañal (Sergio, min. 73) e Barreiro.
• GOLES: 0-1, min. 41 - Matías; 0-2, min. 54 - Barreiro; 0-3, min. 60 - Varu; 1-3, min. 69 -
  

Mala primeira metade do Camelle na que un gol o fío do descanso dou a tranquilidade necesaria para impoñerse a un Coristanco plagado de xuvenís que deron a cara en todo momento ante un dos mellores equipos da liga como é o Camelle.

Empezou mal o Camelle, mal situado e impreciso no pase, e poido aproveitalo o Coristanco. Ós seis minutos Purrúa desviaba a corner un lanzamento de falta que se colaba na súa porta, e cinco minutos despois anulábanlle un gol por falta ó noso porteiro. Pouco a pouco foi o Camelle intentando controlar o balón e nivelar o encontro, e conseguíuno ós cachos cando o balón pasaba por Varu e René, pero moi intermitentemente. Nunha boa xogada de Barreiro chegou a ocasión mais clara do Camelle neste primeiro acto, pero o porteiro local desviou cos pés o tiro final de Javi Rañal. Chegábase ó descanso cando nun lanzamento de corner de Varu a frontal do área, foi empalado por Matías sen deixala caer ó fondo das mallas locais. Non facía xustiza ó visto pero o futbol é así.

Camboiu moito o conto na segunda metade co vento a favor para o Camelle, ainda que a primeira foi para os locais, pero un inspirado Purrúa evitaba o empate cando o dianteiro se plantara só diante del. O que non perdonou foi Barreiro quen cunha boa combinación con Miguel Riveiro encarou portería e picouna de xeito maxistral para o dous a cero. Redondeou Varu cinco minutos despois cun lanzamento dende a frontal que se colou pola escadra sen que o porteiro pudese facer nada. Non se renderon os xoves xogadores locais e recurtaron no saque lateral dunha falta que ninguén foi capaz de despexar e se colou mansamente na nosa portería. Nos últimos minutos poido golear o Camelle ó contrataque pero non estivo acertado. Un lanzamento de Miguel dende o medio do campo que saiu a rentes do pau (intentaba o seu terciro gol da tempada dende esta distancia) e unha contra que Adrián non acertou por pouco foron as mais claras pero o marcador xa non se movería.

Cabe destacar a actuación dos xogadores que entraron no segundo tempo e mantiveron o nivel do equipo. Magnífico ambiente de novo nun partido do Camelle que sempre está moi ben acompañado cando se desplaza. Remata a primeira volta e faino o Camelle nunha posición privilexiada, a só catro puntos do liderato e con quince de ventaxa sobre o play-off.

12-13. 17ª xornada. Previa

Última xornada da primeira volta que se desputará en Coristanco (tras permutar a orde dos partidos para intentar que o campo do Rodeiro non se deteriore mais deixandoo descansar ata xaneiro). O equipo da terra da pataca está a obter uns resultados peores do agardado trala boa tempada anterior e o cambio de mister por un de contrastada fiabilidade como é Rochiccioli,  pero que está a ter problemas co plantel e está a xogar con moitos xuveniles. Decimocuartos con catorce puntos, están moi lonxe dos postos de loita polo ascenso, pero nesta liga tan apretada, tres bos resultados farían que estivesen ahí.. Será un rival complicado  no seu campo e esta é a xeira de resultados dos seus partidos.

A temporada pasada o resultado foi de seis goles a cero favorable o equipo pataqueiro

XORNADA: 17ª_ SD CORISTANCO - SD CAMELLE

DATA E HORA: Domingo 23 de Decembro 2012 ás 16:00h (fonte: siguetuliga)

PREVISIÓN METEOROLÓXICA: Ceos anubrados con chuvias, vento forte do sur, temperatura en torno ós 14ºC (fonte: meteogalicia)

ÁRBITRO: Montes Montes, Diego Israel (fonte: futgal)

O partido desputarase no campo "As Rocheiras" de Coristanco, de herba artificial e de 93x53m, as cores oficiais do Coristanco son pantalón blanco e camisola verde.

CONVOCATORIA: A partir das 23 horas no facebook

Crónica 16ª xornada

Merecida victoria do Camelle en Vimianzo nun partido mais tranquilo do que se prevía.

• SONEIRA B: Martín, Chuchi, Alberto, Chans, Curra, Christian (Pichón, min. 77), Quilmes, Borjita, Chino (Christrian, min. 61), Richi, Wii
• CAMELLE: Purrúa, Carlos de Dido, Valiña, Manuel, Matías, Varu (Álvaro Pantera, min. 79), Mario, Jose (Adrián T., min. 58), Miguel (René, min. 77), Javi Rañal (Sergio, min. 77) e Barreiro.
• GOLES: 0-1, min. 14 - Barreiro; 0-2, min. 22 - Miguel Riveiro; 1-2, min. 24 - Wii; 1-3, min. 24 - Javi Rañal; 1-4, min. 74 - Barreiro
• EXPULSIÓNS: min. 67 o entrenador local, min. 72 - Wii

Partido moi cómodo do Camelle o desputado o sábado no municipal de Vimianzo, ante un Soneira B que intentou facer o seu xogo de toque pero ó que un bó Camelle superou con claridade.

Intentou xogar sempre o balón dende atrás o equipo local, pero moi inocentes caían ante a presión que o Camelle facía dende a primeira línea, ademais a conexión Barreiro, Javi Rañal, Miguel Riveiro desarbolaba ó filial completamente. Felipe Barreiro facía o primeiro cando non se chegaba ó cuarto de hora, reencontrandose co gol e Miguel Riveiro facía o segundo pouco despois cun golazo dende o medio do campo (o segundo que consegue desta maneira nesta tempada). Nun minuto tolo, o 24, o camellán Wii recurtaba distancias para o filial, e Purrúa facía unha gran parada que poido ser o empate, pero era Javi Rañal o que facía o un a tres que mataba o encontro.

A tónica foi a mesma no segundo tempo e foi Barreiro o que cerrou o marcador tras unha asistencia de Mario (a segunda do día) que só tivo que empurrar ó fondo das mallas. A semana vindeira cerrarase a primeira volta ante o Coristanco en Coristanco, xa que se cambiou a orde dos partidos, e unha nova victoria cerrariaa de maneira espectacular.

Tanto as fotos como os datos de alineacións e goles son de Rubén Toja e a crónica está feita a partir dos relatos de varios dos asistentes ó encontro. Gracias

12-13. 16ª xornada. Previa

Este sábado o partido será en Vimianzo contra o Soneira B, equipo que, según tódalas crónicas dos medios que cubren esta liga, é dos equipos que mellor fútbol fan, un fútbol de toque e vistoso, con xente moi nova na súa gran maioría pero que xa teñen experiencia na categoría. Quintos con vintecinco puntos, están nos postos de loita polo ascenso, completando unha magnífica campaña. Será un rival complicado e esta é a xeira de resultados dos seus partidos.

A temporada pasada o resultado foi de un gol a cero favorable o equipo de Vimianzo

XORNADA: 16ª_ SONEIRA "B" SD - SD CAMELLE

DATA E HORA: Sábado 15 de Decembro 2012 ás 16:00h (fonte: siguetuliga)

PREVISIÓN METEOROLÓXICA: Intervalos de ceos anubrados con chuvascos, vento forte do sudoeste, temperatura en torno ós 14ºC (fonte: meteogalicia)

ÁRBITRO: Zas Vazquez, Jose Luis (fonte: futgal)

O partido desputarase no campo municipal de Vimianzo, de herba artificial e de 100x60m, as cores oficiais do Soneira B son pantalón e camisola blancos.

CONVOCATORIA: A partir das 23 horas no facebook C

Fotos 15ª xornada

fotos de lidia

Para ver a galería completa no facebook: camelle-porteño

Crónica 15ª xornada

Empate a cero no partido da xornada en terceira cun ambiente no campo digno dunha final de copa

• CAMELLE: Carlos de Dido, Coruña (Sergio, min. 45), Iván, Valiña, Matías, Varu, Mario, Miguel (Adrián Tajes, min. 83), Tedín (Jose., min. 50), Javi Rañal e Barreiro.

• PORTEÑO: Pablo, Cousillas, Pejo, Sestayo, Iago, Isma, Asier, Búa (Yuyo, min. 45), Mario Toja, Brais (Nené, min. 65), David Toja (Bieito, min. 75)

Partido complicado para os dous equipos que intentaron non perder e conseguirono e no que o terreo de xogo non deixou moito espacio para  o bó futbol.

Empezou o partido sen un control claro e sen ocasións de gol, feito que foi unha tónica durante todo o encontro, xa que o Porteño intentaba tocar algo mais o balón pero o camelle presionaba ben e defendía ainda mellor, ademais de ter homes con moita calidade que facían boas combinacións que o equipo visitante tentou parar as mais das veces con excesiva dureza. Reclamaron os camellans unhas mans dentro do área do Porteño mediado o primeiro tempo que o árbitro non viu, o que si fixo a media hora esta vez dentro da do Camelle ( mans que non foron xa que o xogador local tiña a marca do balón na camisola). O penalti lanzouno fora dunha portería moi ben defendida por Carlos de Dido (tras a sanción a Purrúa) o xogador do porteño. Un lanzamento de falta de Matías que saiu preto do longueiro foi a xogada mais perigosa do Camelle neste primeiro tempo.

Dous cambios ofensivos fixo Pupus no comenzo da segunda metade para tratar de ir polo partido e gañou profundidade o equipo con mais chegadas a portería porteña. Barreiro nunha internada que desviou o porteiro a corner, un lanzamento lonxano de Jose que saiu lambendo a escadra puxeron en apuros ós visitantes antes de que o árbitro anulara un gol a Mario por presunto empurrón de Sergio a un defensa, falta moi dubidosa que eu, personalmente, non apreciei e que pudo decantar o partido de bando local. Os visitantes tampouco crearon perigo mais que en balóns colgados o área, xa fora en lanzamentos de falta ou en saques de banda, buscando sempre a altura do seu xogador Pejo (que probablemente debería ser expulsado pola súa brusquedade, xa que fixo varias entradas moi perigosas e mais tendo en conta o estado do terreo de xogo). Sen embargo, ningún dos dous equipos foi capaz de inclinar o marcador para o seu lado e o resultado, que non é malo para ningún dos dous, pódese considerar xusto.

Só lamentar que o campo estivera moi blando polo que leva chovido nestas semanas e co paso dos minutos fora sendo mais dificil xogar o balón con comodidade. Por outra banda cabe salientar o lado extradeportivo, xa que o partido foi unha auténtica festa nas bancadas, onde mais de medio MILLEIRO de afecionados deron cor a unha tarde de futbol, cun ambiente digno dunha final de Copa da Costa. A afeción do Camelle non deixou de animar ó seu equipo dando unha imaxe moi boa; ademais, a afeción do Porteño acudíu en gran número a animar ós seus debido a proximidade e a boa marcha que leva o equipo nesta temporada na que son os máximos favoritos ó ascenso.

Hoxe colgaremos as fotos do encontro na páxina de facebook do Camelle, e mañan e pasado farémolo coas da afección e coas da cea de Navidade do sábado da SD Camelle

12-13. 15ª xornada. Previa

Este sábado xogase no Rodeiro o partido da xornada, o derbi contra o Porteño. E chega moi forte o equipo da Ponte como lider destacado da categoría e ainda invicto nas catorce xornadas desputadas, cunha vaga de resultados certamente impresionante. O Porteño está líder na táboa clasificatoria con trintaesete puntos de trintaenove posibles, e a obligación do Camelle é gañarlles para que non se escapen definitivamente na clasificación.

O ano pasado gañaron o partido que desputabamos de titulares (os dous equipos estabamos a xogar no Hermanas Patiño de Camariñas) por un gol a catro.

O partido foi declarado pola directiva como DÍA DO CLUBE, e piden o máximo apoio posible da afeción

XORNADA: 15ª_ SD CAMELLE - PORTEÑO C.F.

Vista aérea virtual do campo do Rodeiro

DATA E HORA: Sábado 8 de Decembro 2012 ás 16:00h (fonte: siguetuliga)

PREVISIÓN METEOROLÓXICA: ceos despexados, vento moderado do nordés, temperatura en torno ós 11ºC (fonte: meteogalicia)

ÁRBITRO: Gómez Senín, Jesús Miguel  (fonte:federación galega de futbol)

O partido desputarase no campo do "Rodeiro" de Camelle, de herba natural e de 94x54m, as cores oficiais do Porteño son pantalón azul e camisola vermella.

CONVOCATORIA: O venres a partir das 23h. en facebook Camelle .

Fotos 14ª xornada

fotos de lidia

Para ver a galería completa no facebook: nanton-camelle

Bufandas e outros...

Para informar a todo o mundo e que nadie quede sen sabe-lo.

Vaise a facer un pedido de bufandas co escudo e o nome da SD. Camelle, hai unha lista na Molinera na que poder apuntarse e cantos mais sexamos mellor. As bufandas son de un metro cuarenta por vinte centímetros de ancho, custan oito euros (8€) e hai que pagalas ó apuntarse.

En principio a lista estará colocada uns días mais e farase o pedido (xa hai mais de oitenta peticións) e despois non haberá opción a conseguir mais, polo que si estades interesados apuntádevos canto antes.

Por outra banda dende este blog vamos intentar reconstruir a historia do clube coa maior cantidade de datos posible, polo que pedimos a vosa colaboración con toda a información sobre o mesmo que dispoñades (de calquer tipo, fotos, datas, nomes, clasificacións, anécdotas, etc...). Podedes enviar todo o que consideredes oportuno ó correo do blog sdcamelle@gmail.com, escribir na facebook do camelle, ou darme os datos directamente a mín, como prefirades. Gracias pola vosa axuda.

Crónica 14ª xornada

Importante victoria do Camelle en Nantón previa ó partdo contra o lider da clasificación.

• NATÓN: Bonano, David, Carlos Santos, Félix, Diego, Martín, Cachi, Amado (Rubén, min. 75), Dani Costa (Luís, min 46), Carlos Vidal, Iván (Ernesto, min. 24)
• CAMELLE: Purrúa, Carlos de Dido, Valiña, Manuel, Matías, René (Varu, min. 52), Mario, Jose (Tedín, min. 57), Miguel, Javi Rañal (Sergio, min. 77) e Barreiro (Coruña, min. 89).
• GOLES: 0-1, min. 24 - Matías (de penalti); 0-2, min. 78 - Barreiro
• EXPULSIÓNS: min. 22 o porteiro local, min. 55 - Purrúa

Partido mais igualado do que dí o marcador final e no que o Camelle foi quen de aproveitar as ocasións que tivo mentres que o Nantón non o fixo.

Entrou mellor no partido o Nantón, controlando mais o xogo e con mais intensidade que os nosos, que non estaban cómodos no campo, ainda que sen crear apenas perigo. Pero un bo pase deixou só a Miguel que driblou ó porteiro e este derribao claramente, pitando o árbitro penalti e a expulsión do porteiro local. Matías encargouse de marcar o seu terceiro gol de penalti da tempada. Con un menos diluíuse o control do Nantón, e o partido igualouse, xa que ningún dos dous equipos tiña un dominio claro nin crearon apenas ocasións en todo o que restaba de primeiro tempo, apenas algún lanzamento lonxano de Matías e algunha internada local que remataba con malos disparos a porta.

 Foi distinta a segunda parte, onde si houbo ocasións, ainda que só o Camelle conseguiría marcar. Entrou no descanso o pichichi da competición e o Nantón deu mais sensación de perigo, ainda que non tivo o seu día e desaproveitou duas claras ocasións, pero tamén provocou a expulsión ós dez minutos do noso porteiro. Con igualdade númerica no campo o partido converteuse nun ida e volta constante, dónde o Nantón intentaba atacar e o Camelle sair a contra. Foi nun balón recuperado por Mario na frontal da nosa área e conducido por él mesmo o que lle chegou a Sergio, que dou un magnífico pase no que o balón chegou a Barreiro para facer o cero a dous definitivo. O Nantón ainda tivo tempo de mandar dous balóns ós paus da portería defendida por Carlos de Dido, pero o resultado non variaría mais ata o pitido final do árbitro.

Novamente rematou o Camelle o partido moi separado nas súas líneas, coa defensa moi preto da frontal da área, co que o Nantón tratou de aproveitar os ocos e foi cando mais perigo creou. Hai que intentar sacar o equipo mais ó medio do campo para non pasar apuros finais. De novo a afeción de camelle de dez, dando exemplo polos campos da costa.

12-13. 14ª xornada. Previa

Este domingo o partido será en Nantón, equipo que o ano pasado descendiu da Liga da Costa a terceira e do que se esperaba que estivera loitando por voltar a segunda. De momento non é así, xa que nestes momentos da competición, atópase fora das prazas que dan dereito a loita polo play-off, ainda que está moi cerca. Oitavo con dezaseis puntos, a só cinco dos postos de loita polo ascenso. Será, ademais un rival complicado, xa que en todos os seus partidos (especialmente no seu campo) os resultados foron moi igualados.

Como é un equipo que xogaba en distinta categoría que nós, non hai crónica de partidos anteriores.

XORNADA: 12ª_ CD. NANTÓN - SD CAMELLE

DATA E HORA: Domingo 2 de Decembro 2012 ás 16:00h (fonte: siguetuliga)

PREVISIÓN METEOROLÓXICA: Ceos anubrados, vento frouxo do noroeste, temperatura en torno ós 11ºC (fonte: meteogalicia)

ÁRBITRO: Pardo Pose, Samuel (fonte: futgal)

O partido desputarase no campo "As Fontiñas" de Nantón, de herba natural e de 105x65m, as cores oficiais do Nantón son pantalón negro e camisola blanca.

CONVOCATORIA: A partir das 23 horas no facebook Camelle .

Fotos 13ª xornada

Para ver a galería completa no facebook: camelle-ameixenda

Crónica 13ª xornada

Importante o resultado acadado nun campo que se volveu moi dificil co transcurrir dos minutos

• CAMELLE: Púrrua, Adrián P. (Coruña, min. 89), Carlos de Dido, Valiña, Matías, Varu, René, Miguel, Jose (Adrián T., min. 63), Javi Rañal (Buri, min. 83) e Barreiro.
• AMEIXENDA:Oscar Riolo, Grille, Demetrio (Rodrigo, min. 55), Javichu, Álvaro, Mateo, Alberto, Jorge, Rioliño, Diego, Ramiro
• GOLES: 1-0, min. 7 - Jose; 2-0, min. 16 - Jose; 2-1, min. 25 - 
• EXPULSIÓN: O porteiro visitante tras cortar o balón coas mans fora do área min. 75

Partido complicado e que só tivo xogo na primeira parte, a segunda apenas aportou nada mais que a incertidume do marcador e o empeoramento do estado do terreo de xogo.

Empezou o partido da mellor maneira para o Camelle xa que na primeira chegada Jose marcaba no segundo intento, tras sacarlle moi ben o porteiro un remate a centro de Javi, pero deixando o balón de novo ós pés do xogador camellán para que remachara o un a cero cando só ían sete minutos de partido. Tivo Felipe o dous a cero no minuto dez, pero non está acertado cara o gol o noso killer e desvioulla o bo porteiro ceense a saque de esquina. Sen embargo fixo unha xogada de crack cando se cumplira o cuarto de hora de partido tirandolle un caño espectacular a un defensa sobre a liña de fondo, adentrandose no área e dando o pase da morte para que Jose puxese o seu segundo gol da tarde no marcador. Pero o Ameixenda volveu ó partido nun fallo de Purrúa que pensou que se ía fora un lanzamento de falta dende o circulo central pero que rematou dentro de maneira inexplicable para o porteiro local. E ainda que Jose poido facero terceiro só un minuto despois, foi o equipo visitante o que creou mais perigo, como un lanzamento ó pau a media hora tras unha indecisión defensiva do Camelle ou un remate de cabeza que saiu fora por pouco cando expiraba o primeiro tempo.

Foi moito mais tranquila do que se pensaba a segunda metade na que apenas houbo ocasións, o Ameixenda non rematou nin unha soa vez con perigo, ainda que a incerteza do marcador puxo un poso de intranquilidade na bancada e unha emoción no partido que o xogo non tiña. Só se pode salientar deste segundo tempo un remate de cabeza de Adrián P. no saque dun corner que o porteiro visitante enviou de novo a saque de esquina cando xa se colaba pola sua escadra esquerda, un man a man de Barreiro que non foi que de resolver con acerto e a expulsión do porteiro visitante cando tocou coas mans fora do área un pase en profundidade cara Adrián T. e no que o árbitro arcertou. E ainda que o equipo ceense xogou un cuarto de hora cun home menos e un xogador de campo de porteiro, non houbo ocasións dignas de salientar ata o pitido final.

Hai que quedarse co valor dos puntos que se suman e pensar só no seguinte partido, deixando as cábalas pola clasificación que agora temos, e que só a final de tempada se verá se serven para acadar un ascenso co que nadie contaba no verán e co que non hai que obsesionarse, senón seguir partido a partido desfrutando da magnifica afeción que temos e a que lle temos que estar moi agradecidos polo apoio mostrado.

12-13. 13ª xornada. Previa

Volvemos a xogar con un dos equipos novos da liga, que empezou moi forte pero parece que está a perder un pouco de fuelle nas derradeiras xornadas. O Ameixenda está séptimo na táboa clasificatoria a só un posto dos que dan opción de xogar o play-off con dezasete puntos, a só unha victoria de alcanzar eses postos, co que virá a xogar co coitelo entre os dentes.

Este é o primeiro ano do equipo ceense, polo que non dispoñemos de antecedentes de enfrontamentos directos contra eles.

XORNADA: 13ª_ SD CAMELLE - SD. AMEIXENDA

Vista aérea virtual do campo do Rodeiro

DATA E HORA: Sábado 24 de Novembro 2012 ás 16:15h (fonte: siguetuliga)

PREVISIÓN METEOROLÓXICA: ceo anubrado, vento frouxo do norte, temperatura en torno ós 14ºC (fonte: meteogalicia)

ÁRBITRO:  Patiño Pedreira, Iván (fonte:federación galega de futbol)

O partido desputarase no campo do "Rodeiro" de Camelle, de herba natural e de 94x54m, as cores oficiais do Ameixenda son pantalón negro e camisola amarela cunha franxa negra.

CONVOCATORIA: O venres a partir das 23h. en facebook Camelle .

Fotos 12ª xornada

fotos de lidia

Para ver a galería completa no facebook: baiñas-camelle

Crónica 12ª xornada

Nova victoria dun Camelle que espabilou levado en volandas pola afección..

• BAIÑAS: Damián, Simón (Adrián, min. 75), Samuel, Sancho, Esteban, Héctor, Luís, Cris, Dani (Diego, min. 70), Tasky, Fernando (Iván, min. 80)
• CAMELLE: Purrúa, Carlos de Dido, Valiña, Manuel, Matías, Iván (Varu, min. 78), Mario, Jose (Tedín, min. 80), Miguel (Buri, min. 89), Javi Rañal (Sergio, min. 88) e Barreiro (Álvaro Pantera, min. 89).
• GOLES: 0-1, min. 11 - Manuel; 1-1, min. 56 - Héctor; 1-2, min. 60 - Mario; 1-3, min. 86 - Miguel

Non foi mellor o Camelle durante ochenta minutos e sen embargo ía gañando e poido acabar o partido goleando a un Baiñas moi serio.

 Foi moi igualada a primeira metade con apenas duas ocasións para cada un dos equipos pero Manuel encontrouse un balón morto ó saque dun corner ós dez minutos e fusilou a portería local. Despois un remate de cabeza de Barreiro e un disparo de Jose foi o pouco que se acercou o Camelle a portería local. O Baiñas tampouco creou moito perigo, con dous lanzamentos de fora do área que se marcharon cerca da portería de Purrúa. Non estaba a ser un bó partido cun Camelle moi largo donde  parecía que había dous bandos, un atacando e outro defendendo que non chegaban a entenderse.

Comezou moi forte o Baiñas a segunda metade en pos do empate e foi Purrúa o que o impediu os dez minutos cunha gran parada, sen embargo no saque do corner desa mesma acción empataba o equipo local con outro balón que quedara morto no área. Poido poñerse por diante so dous minutos despois pero tras botar unha falta e pegar o balón na barreira este foi bater no pau da portería camellana. Foi esta acción a que espoleou a unha afección entregada que ten que ser a envidia do resto de equipos da costa e que comezou a animar sen descanso o equipo en busca dunha reacción. Esta chegou no minuto quince cando Mario remataba de cabeza un balón centrado ó fondo da portería soneirán. Non era un resultado xusto co que se estaba vendo pero esto pasa no fútbol. Non decaeu o Baiñas que ainda tivo ocasións, como un tiro axustado, un posible penalti que o árbitro sacou fora e outro lanzamento o pau a media hora de partido. Tamén Barreiro poido marcar pero non foi quen de tocar o balón cando se prantou só diante do porteiro.

Coa entrada de Varu morreu o partido, xa que, a partir de ahí, o Camelle sí tivo o control do mesmo, e ademaís creou perigo, como un lanzamento seu ó longueiro, o terceiro gol, de Miguel definindo moi ben un bo pase de Barreiro e mesmo outra xogada clara de Felipe que non foi quen de remachar cando xa non tiña oposición.

Quedámonos coa victoria sobre o xogo e coa afección, que dando exemplo acude en masa a animar o noso equipo, facéndose notar pola cantidade, a deportividade e a animosidade. Seguide así que sodes a mellor afección do mundo.

12-13. 12ª xornada. Previa

Este fín de samana xogamos en Vimianzo ante o Baiñas, outro dos equipos novos deste ano, creado polo anterioir presidente do Soneira a base de talonario para subir e que non está acadando as espectativas creadas sobre él no papel. Nestes momentos da competición, atópase décimo con doce puntos, pero a catorce dos postos de ascenso directo que pretendían antes de empezar a xogar.

Como é un equipo de nova creación, non hai crónica de partidos anteriores.

XORNADA: 12ª_ CD. BAIÑAS - SD CAMELLE

DATA E HORA: Domingo 18 de Novembro 2012 ás 16:00h (fonte: siguetuliga)

PREVISIÓN METEOROLÓXICA: Intervalos de nubes e claros, vento frouxo do sur, temperatura en torno ós 12ºC (fonte: meteogalicia)

ÁRBITRO: Fernández Liñares, José (fonte: futgal)

O partido desputarase no campo municipal de Vimianzo, de herba artificial e de 100x60m, as cores oficiais do Baiñas son pantalón negro e camisola verde.

CONVOCATORIA: A partir das 23 horas no facebook Camelle .

Fotos 11ª xornada

fotos de Lidia

Para ver a galería completa no facebook: camelle-castrelo

Crónica 11ª xornada

Partido cómodo do Camelle nun campo que notou a choiva ante un equipo moi inocente.

• CAMELLE: Púrrua, Carlos de Dido (Adrián P., min. 61), Manuel, Valiña, Matías, Varu, Mario (René, min. 54)  Miguel (Buri, min. 67), Jose, Javi Rañal (Sergio, min. 59) e Barreiro (Adrián T., min. 65)
• CASTRELO: 
• GOLES: 1-0, min. 10 - Jose; 2-0, min. 12 - Matías; 3-0, min. 33 - Javi Rañal; 4-0, min. 51 - Varu; 4-1, min. 67 -  ; 5-1, min. 75 - Matías.

Pouco hai que dicir dun partido no que o Camelle foi moi superior a un Castrelo bastante frouxo, pero cunha actitude e un comportamento dignos de salientar.

Xa ós dous minutos se poido adiantar o Camelle, Javi driblou a Roberto i este derribouno claramente no área, pero o colexiado non pitou nada.Outras dúas claras tivo o equipo antes do primeiro gol de Jose, que aproveitou unha indecisión da defensa para facer o un a cero. E só dous minutos despois un corner peiteado por Carlos de Dido foi remachado por Matías no segundo pau para facer o dous a cero. Entre o segundo e o terceiro houbo catro ocasións claras para o Camelle e unha para o Castrelo, pero sería Javi Rañal, que porfín marcou o gol que leva buscando dende o debut, o que se aproveitaría dun rechace do porteiro a tiro de Varu (o mellor do partido sen duda) tras unha boa internada de Miguel con pase atrás.Seguiron as ocasións ata o descanso cunha boa parada de Purrúa e outra non peor do porteiro visitante a lanzamento de Barreiro.

Houbo menos futbol na segunda metade debido o empeoramento do estado do campo e o carrusel de cambios para que todos os nosos xogadores desfrutasen de minutos, pero seguiuse vendo un partido entretido. Foi Varu o que ós seis minutos poñía o catro a cero cun tiro dende dentro da área. O Castrelo non se rendeu e marcou o seu gol mediado este segundo periodo e ainda dispuxo dun lanzamento ó longueiro cando xa se cumpría o tempo regulamentado, pero antes marcara Matías o seu segundo gol da tarde nun centro de Varu tras un saque en corto dun corner. Tamén Sergio poido facer o sexto, pero o seu lanzamento tras unha boa xogada individual foise ó pau esquerdo da portería visitante.

Salientar unha vez mais a magnifica afección deste Camelle que volveu a ateigar o campo do Rodeiro, que dende que se reinauguruo, vai de cheo en cheo. Asimesmo desexarlle ó Castrelo toda a sorte do mundo nun ano moi dificil para eles como é o da creación do equipo. Ademais contan nas súas filas con ex-xogadores do Camelle de outras etapas como son Roberto, Manolo Insua e Cardeso. Ánimo rapaces.

E por último unha sorpresa para todas as fans do Camelle. Vamos a publicar no facebook do Camelle tres fotos sacadas dentro do vestiario cando os xogadores estaban nas duchas tralo remate do partido. Estade atentas.........................

12-13. 11ª xornada. Previa

Volve o futbol ó Rodeiro despois da xornada de descanso e faino para recibir a un dos equipos novos da liga ó que lle está costando moito collerlle o ritmo a competición. I é que o Castrelo está de pechacancelas na táboa clasificatoria con só dous puntos, co que é case que obrigado acadar un bó resultado que nos manteña na situación tan boa que desfrutamos.

Este é o primeiro ano do equipo soneirán, creado e dirixido por un bó amigo do Camelle, Manolo Ínsua, que hai case tres lustros xogaba no noso equipo e foi compañeiro de algún dos nosos xogadores (Barreiro, Varu, Mauri, Diego) e agora o fai no equipo do seu pobo, ó que, dende aquí, lle desexamos o mellor.

XORNADA: 11ª_ SD CAMELLE - C.F. CASTRELO

Vista aérea virtual do campo do Rodeiro

DATA E HORA: Sábado 10 de Novembro 2012 ás 16:15h (fonte: siguetuliga)

PREVISIÓN METEOROLÓXICA: Apertura de claros con chuvascos ocasionais, vento moderado do noroeste, temperatura en torno ós 13ºC (fonte: meteogalicia)

ÁRBITRO: España Andrade, Jesús (fonte:federación galega de futbol)

O partido desputarase no campo do "Rodeiro" de Camelle, de herba natural e de 94x54m, as cores oficiais do Castrelo son pantalón celeste e camisola branca cunha franxa celeste.

CONVOCATORIA: O venres a partir das 23h. en facebook Camelle .

Xornada de descanso

Bueno amigos, como esta semana non houbo partido, xa que nos tocaba descansar, aquí vos deixo unha tabliña con estadísticas dos xogadores para que vos entreteñades un pouco.

fonte: propia do blog contrastando as crónicas

NOTA: Para ver a maior tamaño pulsar sobre a imaxe

Fotos 9ª xornada

fotos da nosa colaboradora do blog Lidia

Para ver a galería completa no facebook: lira - camelle

Crónica 9ª xornada

Moi boa victoria do Camelle en Carnota diante do Lira antes do partido de descanso.

• LIRA: Miguel Anxo, Pelexo, Hermi, Manolo (Fran, min. 40), Isma, Germán (Abel, min. 80), Miguel, Cristian (Tono, min.40) (Saúl, min. 60), Suso Patachín (Santi, min. 40), Óliver e Suso Perico.
• CAMELLE: Purrúa, Carlos de Dido, Valiña, Manuel (Coruña, min. 80), Matías, René (Buri, min. 74), Barreiro, Sergio (Adrián Tajes, min. 56), Jose (Tedín, min. 65), Miguel e Javi Rañal (Álvaro Pantera, min. 92).
• GOLES: 0-1, min. 90 - Barreiro.
• EXPULSIÓNS: Coruña e un xogador liracho, min.89.
• 
  

Durísimo partido o desputado en Carnota fronte a un Lira intenso pero que apenas dispuxo de ocasións de gol claras.

Falta Matías min.45

Se comparamos o partido cun combate de boxeo podese dicir que o Camelle noqueou ó Lira no último asalto nun partido que tiña gañado ós puntos. Empezou dando o Camelle cun tiro ó pau os seis minutos cando un lanzamento de Jose petou no lombo de Javi despistando ó porteiro pero golpeando o balón na madeira. Tras varios lanzamentos do Camelle a portería sen moito perigo  chegou a ocasión mais clara do Lira en todo o partido os vintesete minutos cando nun remate de cabeza no borde da área pequena, o balón se perdeu preto do pau defendido por Purrúa. Seguiuno intentando o Camelle con ocasións de René, e Sergio pero sen moito perigo. O partido era bastante trabado e varios xogadores do Camelle tiveron que ser atendidos por golpes na cara, ademaís o Lira tivo que facer neste primeiro tempo ata tres cambios por lesións musculares de xogadores. Na última deste primeiro tempo unha falta de Matías saiuse por milímetros co pitido final.

Javi Rañal ó pau co porteiro batido

Mais do mesmo no segundo tempo, cun Camelle insistindo unha e outra vez sobre a portería liracha, esta vez con ocasións mais claras. Un pase perfecto de René en profundidade tocouno Sergio cara atrás dende a liña de fondo e O porteiro paroulle a Jose o remate a bocajarro. Seguiu con unha doble de Jose e Javí que non foron capaces de marcar en tres tiros consecutivos, un deles sacado baixo paus pola defensa co porteiro xa batido e outra de Javi, que enviou ó pau cando xa regateara ó porteiro, ou un lanzameno lonxano de Miguel que saiu lambendo o pau. Non era capaz o Lira de crear ocasión e o máximo perigo que creaban era con centros longos ben resoltos pola defensa camellana ou rematados sen perigo. Foi no último minuto, e cando os dous equipos se quedaron con dez no campo, cando nunha xogada que este ano se está a repetir moito entre Barreiro e Javi, deixou só ó primeiro tras unha magnifica parede no borde do área que Felipe resolveu de maneira maxistral por riba do porteiro, conseguindo o gol dunha victoria merecida.

Gol Barreiro no último min.

Cabe destacar a magnífica afección do Camelle que novamente acompañou de maneira masiva ó equipo, e ós xogadores non habituales, que últimamente non estaban a ter moitas oportunidades, e raiaron a gran nivel no encontro nos minutos que desputaron.

12-13. Novena xornada. Previa

Este fín de samana xogamos en Lombáns (Carnota) ante o Lira, un equipo que, xunto co Camelle, foi dos que mais progresou en relación a tempada pasada, e nestes momentos da competición, atópase séptimo con once puntos.

A temporada pasada o Lira rematou en decimocuarta posición con 27 puntos, tres mais que o Camelle, e no enfrontamento contra o noso equipo en Lira o resultado foi favorable para o Lira por dous goles a cero (Non hai crónica dese partido).

XORNADA: 9ª_ LIRA CF - SD CAMELLE

DATA E HORA: Domingo 28 de Outubro 2012 ás 16:30h (fonte: siguetuliga)

PREVISIÓN METEOROLÓXICA: Intervalos nubrados con chuvias febles ocasionais, vento moderado do nordés, temperatura en torno ós 14ºC (fonte: meteogalicia)

ÁRBITRO: Gesto Lago, Jacobo (fonte: futgal)

O partido desputarase no campo municipal de Lombáns de Carnota, de herba artificial e de 90x57m, as cores oficiais do Lira son pantalón branco e camisola roxibranca.(A información de que o partido se desputa en Carnota en lugar de en Lira sae da páxina da Federación Galega de fútbol)

CONVOCATORIA: A partir das 23 horas en facebook Camelle .

Noticias "prensa seria"

Esta noticia saliu hai uns días no deporsport e xa tiñamos coñecemento dela a través do WhatsApp que temos os membros do equipo, e agora colocámola aquí para coñecemento xeral.

Pódedela consultar no deporsport

Fotos 8ª xornada

Como ten moito mais éxito e, ademais, é mais práctico, as fotos subiranse ó facebook do Camelle de maneira definitiva; dende aquí só se porá un link as mesmas. Esperamos que sexades vos mesmos os que vos etiquedes nas fotos, ademais de facer os comentarios que consideredes oportunos.

Para ver a galería completa: camelle - independiente

Crónica 8ª xornada

Empate a uns foi o resultado colleitado polo Camelle cos dous primeiros puntos que escapan do Rodeiro.

• CAMELLE: Púrrua, Carlos de Dido, Manuel, Valiña, Matías, Varu, Mario (René, min. 89)  Miguel, Jose (Sergio, min. 71), Javi Rañal e Barreiro
• INDEPENDIENTE: Noe, Joni, Dani, Castro, Velo (Ribes, min. 80), Michel, Carlos, Cholo, Palermo (Benitez, min. 60), Juni, Mario
• GOLES: 0-1, min. 4 - Palermo; 1-1, min. 77 - Matías.
• EXPULSIÓNS: min. 67 - Juni do Independiente e Varu.

Partido dificil polas condicións do campo despois de unha semana de abundantes chuvias en Camelle diante dun equipo complicado, que sempre busca o contacto para que os outros equipos non xoguen, que non se complican atrás e que teñen un bo dianteiro.

I empezou o partido de cara para os visitantes, que se adiantaban os catro minutos nunha mala saida de Purrúa que aproveitou o dianteiro carballés para mandar o balón ó fondo da portería por alto. Só cinco minutos despois tivo outra boa ocasión pero o disparo saiulle alto. Pouco a pouco foi o Camelle facendose co campo e Javi Rañal tivo duas ocasións, unha cun tiro frouxo e outra moi clara despois dunha excelente xogada coa que se prantou diante do porteiro pero o tiro saiulle alto. Poido marcar o segundo o Independiente no saque dunha falta lateral pero o remate en liña de gol foi por riba da portería de maneira incomprensible. Ainda tivo outra moi clara, pero Carlos de Dido foi capaz de sacar o balón na mesma liña cando este xa sobrepasara ó noso porteiro. Controlaba mais o Camelle pero as ocasións poñíanas os carballeses.

Cambiou o conto na segunda metade xa que o Camelle reaccionou facendose co control total do partido  ainda que as ocasións eran tímidas. No minuto 22 o árbitro expulsaba o dianteiro carballés e a Varu e despareceu por completo un Independiene que intentaba capear o temporal da presión local. Foi o momento de Barreiro que primeiro cun tiro alto, cun lanzamento cerca do pau e provocando un penalti se facía notar no partido. Foi Matías o encargado de marcar o penalti e conseguía o seu cuarto gol nos últimos catro partidos. Seguiuno intentando un Camelle levado en volandas polo numerosísimo público que de novo se deu cita no campo do Rodeiro, pero cun último lanzamento de Sergio desviado remataba o encontro co primeiro empate da tempada.

12-13. Oitava xornada. Previa

Volve o futbol ó Rodeiro esta fín de samana e cun partido na cume contra o segundo clasificado desta liga, o Independiente de Carballo, equipo que ainda non conoce a derrota no que vai de liga e do que só nos separa un punto (ainda que eles cun partido menos).

A temporada pasada o Independiente rematou en decima posición, xusto na metade da táboa, con 53 puntos, e no enfrontamento contra o Camelle, neste caso en Camariñas, o resultado foi favorable para o Independiente por un gol a tres.
Fixonos a nosa amiga Lidia unha suxerencia para incorporar na previa dos partidos a crónica do partido da temporada anterior, pero neste partido non pode ser porque o ano pasado, por temas de traballo, non se poideron facer todas as crónicas; cousa que pode ocurrir tamén esta tempada, polo que, dende aquí, animarvos ós que vos apeteza, a colaborar na realización deste blog. Xa sabedes que para facelo só hai que ter un pouco de ganas e nengún coñecimento, que é moi facil. Só tedes que avisarme ou mandar un correo a sdcamelle@gmail.com e faremos este blog mais ameno.

XORNADA: 6ª_ SD CAMELLE - INDEPENDIENTE DE CARBALLO C.F.

Vista aérea virtual do campo do Rodeiro

DATA E HORA: Sábado 20 de Outubro 2012 ás 16:30h (fonte: siguetuliga)

PREVISIÓN METEOROLÓXICA: Intervalos anubrados con chuvias febles ocasionales, vento frouxo e variable, temperatura en torno ós 15ºC (fonte: meteogalicia)

ÁRBITRO: Goyeneche García, Sergio (fonte:federación galega de futbol)

O partido desputarase no campo do "Rodeiro" de Camelle, de herba natural e de 94x54m, as cores oficiais do Independiente son pantalón negro e camisola negra e roxa.

CONVOCATORIA: O venres a partir das 23h. en facebook Camelle .

Fotos 7ª xornada

Para ver a galería completa: fisterra - camelle

Crónica 7ª xornada

Derrota do Camelle en Fisterra dónde un empate podería ser un resultado mais xusto.

• FISTERRA: David, Insua, Dani, Jorge (juanjete, min. 35), Santi (Sheh, min. 60), Juan, Bebeto, Pana, Mario (Eloy, min. 90), Rivas, Cristian.
• CAMELLE: Purrúa, Carlos de Dido, Valiña, Manuel (Coruña, min. 80), Matías, Iván, Mario, Sergio (Adrián Tajes, min. 65), Jose, Miguel e Javi Rañal.
• GOLES: 0-1, min. 35 - Miguel, 1-1, min. 38 - propia meta, 1-2, min. 55 - Matías (penalty), 2-2, min. 75 - Bebeto, 3-2, min 90 - Insua.

Ocasión perdida do Camelle para quedar no alto da clasificación despois de un partido bonito de ver en Fisterra.

Moi igualado foi o partido desta fín de samana onde os dous equipos intentaron levar o peso do partido pero ningún foi capaz de impoñerse neste aspecto ó outro. Na primeira metade estivo mais serio o noso equipo pero todo o interesante pasou en oito minutos despois de tímidas chegadas as dúas áreas. A media hora tivo un doble ocasión o Fisterra, pero primeiro Purrúa e despois Valiña desbarataron a clara ocasión do equipo local cando na grada xa cantaban gol. Sen embargo foi o Camelle o que golpeou primeiro cinco minutos despois, e fixoo cun auténtico golazo de Miguel Riveiro que, vendo adiantado ó porteiro, lanzou dende mais de cincuenta e cinco metros para sorprender a todos os que alí estábamos. So tres minutos durou a alegría, pois nunha xogada desgraciada para o Camelle ó intentar despexar un pase en profundidade, foi Valiña o que deviaba o balón dentro da nosa propia portería igualando o encontro.

No segundo tempo houbo dúas partes diferenciadas, o comezo que foi claro para o Camelle con dúas ocasións clarísimas (Javi Rañal nunha internada que picou por riba do porteiro e saiu pegada o pau e Sergio fallando un pase da morte a porta baleira) nos cinco primeiros minutos e poñendose por diante tras transformar Matías unha pena máxima provocada por Sergio; e tralo 1 a 2 no que o equipo se partiu en dous, con moita distancia entre os que defendían e os que atacaban permitindo que o Fisterra convinase mellor. Sen embargo doi nun fallo do noso porteiro no saque dun corner o que deixou o balón franco a un xogador fisterrán para que acadara o empate a media hora desta segunda metade. Non se conformaban ningún dos dous equipos e parecía que calquera do dous se podía levalo encontro ainda que o Camelle parecía fisicamente peor. Cando o tempo chegaba ó fín e con só o tempo de desconto por xogar chegou o gol da victoria local que non foi inxusto como tampouco o sería calqueira outro resultado.

De novo a afeción do Camelle se deixou notar nos campos da costa ateigando unha grada con moito público pero con maioría (e moito mais animosa) camellán.