Crónica 5ª xornada

Victoria inapelable do Camelle en Corcoesto.

• CORCOESTO: Anxo, Pablo, Sergio, Edelmiro, Germán, Uru (Couto, min. 46), Javi, Josiño, Martín, Txavi, Hector (Miguel, min. 40)
• CAMELLE: Purrúa, Carlos de Dido (Diego, min. 77), Valiña, Manuel (Coruña, min. 67), Matías, Iván, Mario (René, min. 79), Sergio (Javi Rañal, min. 46), Jose (Tedín, min. 73), Miguel e Barreiro.
• GOLES: 0-1, min. 50 - Jose, 0-2, min. 54 - Matías, 0-3, min. 63 - Barreiro, 0-4, min. 84 - Iván.

Ampla victoría do Camelle que poido ser maior se o porteiro local non estivera tan acertado.

Empezou o partido o Camelle coa clara intención de ir a polo partido, i en só tres minutos xa dispuxera de dúas claras ocasións por medio de Miguel, cun tiro axustado, e de Jose, nun cabezazo. Pero a base de xogo duro foi o Corcoesto impedindo que os nosos desarrolasen o seu xogo e só Matías de falta e Sergio cando a primeira parte expiraba foron capaces de crear mais perigo. Perigo que o Corcoesto non tivo en todo o partido, pois só en dous despistes defensivos conseguiron chegar a porta camellana pero con moita inocencia.

Sen embargo foi un vendabal o Camelle no segundo tempo e non só marcou catro goles, senon que desperdiciou dous penaltis e tivo ata outras tres clarísimas ocasións por medio de Javi Rañal (dúas) e Matías, nas que un inspirado porteiro local fixo intervencións de moito mérito. Os goles chegaron por medio de Jose, Matías de falta tras petar na barreira, Barreiro a pase de Miguel e Iván ó aproveitar o rexeite do porteiro cando conseguira deterlle a Diego o segundo penalti, o priomeiro paroulo a Mario.

Bo debut da nova incorporación do Camelle, Javi Rañal, que entrou no descanso sustituíndo a Sergio e causando unha grata impresión ós numeros afecionados de Camelle que se desprazaron ata Corcoesto para animar ó noso equipo