Play-off de ascenso. Ida da final

Todo pendente para o partido de volta a vindeira semana no Rodeiro, tras o resultado desta semana.

• CERQUEDA: Rubén, Atu, Pablo, Javi, Javi Pazos, Dani, Lorenzo, Dieguito, Dani Seaia, Juanjo (Bastón, min. 58), Manu (Santi, min. 46)
• CAMELLE: Matías, Carlos de Dido, Valiña, Iván, Javi Rañal, Mario, Varu, Jose (Tedín, min 70), Sergio (Vuri, min. 85), Miguel e Barreiro.
• GOLES: 1-0, min. 67 -Javi 

Xogou as súas bazas o Cerqueda para conseguir un resultado engañoso que deixa a eliminatoria en suspenso para a volta no Rodeiro.

I é que o Cerqueda olvidouse completamente do balón, cedéndollo ó Camelle pero sen deixalo xogar a partir do medio campo. Moi cerrados atrás esperaban ó Camelle, para intentar coller unha contra ou esperando algunha xogada a balón parado, xogo no que se senten cómodos apoiados na súa fortaleza física. O Camelle tampouco tivo ideas, xa que apenas fixo algunha combinación de mérito de medio campo para adiante, e tentouno abusando bastante do xogo en largo. Apenas houbo ocasións no primeiro tempo, unha de Sergio que picou demasiado o balón ante a saida do porteiro e outra de Barreiro que pelexou un balón para roubalo dentro da área pequena pero que cruzou demasiado e saíu rozando o pau cando se chegaba ó descanso.

Non variou o planteamento do encontro no segundo tempo, e o Cerqueda tivo a ocasión mais clara nada mais comezar este, nun saque de esquina que rematou só no segundo pau pero no que Matías fixo unha gran intervención. O Camelle rondaba un pouco mais as inmediacións da portería, pero sen perigo ningún. Mediado este segundo tempo chegou o gol do Cerqueda nun saque de falta lateral, que non foi rematado nin despexado por un montón de pernas e que si foi remachado no segundo pau. Tivo Sergio o empate nun gran balón de Javi, pero o porteiro local sacoulle o remate e posterior rexeite. E xa casi non houbo mais futbol, cun Cerqueda que non quería e un Camelle mais preocupado en protestar e entrar no xogo local que en facer o seu partido.

Non é un mal resultado para a volta (ainda que un cero a cero sería mais xusto), engañoso para o Cerqueda que probablemente virá a cerrarse e intentar un gol nunha contra ou a balón parado para matar a eliminatoria, pero que pode espolear a un Camelle que estará arroupado pola mellor afeción da costa como demostrou este fin de semana en Buño.